YOGA op PLATT
Hartlich willkommen! Wi snackt platt!
hier büst du richtig, wenn Du de Plattdüütsche Spraak geern hest.
bi #snack.platt.kloor - Minschen de Lust hefft un Plattdüütsch snacken mücht, junge un öllere tosamen.
Man uk wenn du nich snacken kunnst, denn hör mal'n beten to. kost nix.
Termine Plattsnacker Kring:
2024: 17. Februar, 6. April,
25. Mai -wi fiert uns Jubiläum, wi snackt nu 3 Johr tosamen
15. Juni, 24.August, 19.Oktober,
7.Dezember Wienachten
in' n Stadtpark Norderstedt
jümmers Sünnavend Klock 11:30 - 12:45 - bidde anmelden ane(at)koenigsbaum.de
Yoga op Platt - wo geiht dat?
Termin auf Anfrage....
Dat is en Anbott för all de Minschen de sik rögen, to Roh kamen, lachen un entspannen wüllt:
- binnen un buten
- junge un öllere Minschen öövt tosamen
- langsam und aktiv
- YIN un YANG
- Yoga is goot för de Seel
- Yoga maakt Freid
- Yoga kannst in’t Stahn, Sitten un ok bi’t Gahn maken
De Atenövens maakt Immunsystem, Lungen un Hart stark. Wi stellt dat Kino in’n Kopp af un wiest uns Körper, woans een dat Geföhl vun Glück herstellt.
Wees dorbi, wenn du wullt. Eendoont, wo oolt du büst, wat du Anfänger büst oder al wat kannst. Wi sünd alltohopen jüst NU richtig.
Warum Yoga auf Plattdeutsch? Worüm Yoga op Plattdüütsch?
Egens loopt düsse Yogastünnen jüst so as op Hoochdüütsch af. Man de Ünnerscheed is: Düsse Spraak tövert de Deelnehmers un mi furts en Smüstern in’t Gesicht. Dat sünd de Glücksboten, de wi doch all hebben wüllt.
(Übersetzung ins Plattdeutsche von Benita Brunnert)
Wat to'n kieken un hören
NDR 90,3 Podcast am 28.2.2021
En Sennen vun Benita Brunnert
Platt- un Hochdüütsch
Ane Königsbaum un Christa Heise-Batt leest LAOTSE
Luuster mol … free na LAOTSE vun Christa Heise-Batt översett. Dat hebbt wi för en Performance in‘t Stadtmuseum Norderstedt to mien Utstellen in’n August 2004 op Hooch – un Plattdüütsch opföhrt.
"Dörtig Speeken dreept de Naav, man dat Leddige doormang twischen de Speeken, dat maakt den Sinn vun‘t Rad ut. De Pött, de sünd ut Toon maakt, man dat Leddige in jem, dat maakt den Sinn vun den Pött ut. Muern mit Finstern un Döörn, de richt dat Huus op, man dat Leddige dor binnen, dat gifft dat Huus sienen Sinn. So kan man seggen: dat, wat man anfaten kann, dat kann man ut- un benutzen, man dat, wat man nich faten kann, dat gifft den Sinn."
snack.platt.kloor
snack.platt.kloor und Yoga op Platt in Stadtpark Norderstedt - Termine kiek op www.stadtpark-norderstedt.de Sünnavend Klock 11:30 - 12:45 - bidde melden bi mi 0174 1922165
en sennen vun noa4
noa4 Yoga-op-Platt Beitrag am 21.05.2021 (als AUDIO Version)
noa4 hat im Stadtpark Norderstedt von Yoga-op-Platt einen Filmbeitrag produziert und über den neuen Plattsnacker Kreis #snack.paltt.kloor berichtet. Die Rechte liegen bei noa4 on air new media GmbH. Das Herunterladen der Datei ist nicht gestattet.
#snack.platt.kloor ist kostenlos und findet einmal im Monat im Stadtpark Norderstedt statt, Termine siehe unter www.stadtpark-norderstedt.de
Woans bün ik to Yoga kamen?
Ik maak siet 30 Johr Yoga un heff mien Yogaschool vör 12 Johr övernahmen. Ik geev Kursen för Fruun- un Mannslüüd vun 18 bet 80 Johr. De Anstupser, Yoga op Platt to ünnerrichten keem körtens eerste dörch den NDR mit „Wi snackt Platt“.
Ik bün mit de plattdüütsche Spraak opwussen un mit veel Freid dorbi. De Klang vun de Spraak is as Musik in miene Ohren. Dat weer al so, as ik miene Grootöllern snacken höört heff. Ok wenn ik in miene Sätz af un an mal Hooch- un Plattdüütsch tosamensmiet, versteiht dat doch jedeen. Tosamen Yoga to öven maakt veel Spaaß.
Wat ik noch seggen much: Yoga för tohuus oder vör Oort.
Wi öövt al veele Johr Yoga online – dat funkschonert goot. Dat is ok för Senioren tohuus oder in’t Seniorenhuus en Chance. Wi bruukt jümmers Bewegung.
Bi de Meditatschonen bring ik geern de wohligen warmen Töne vun Klangschalen oder mit mien Stimm Poesie un Leder to’n Klingen. De Schwingen vun de Klangschalen lett de Seel singen. Dat kann een jümmer wedder in miene Yogastünnen beleven.